மற்றபல வசனங்களுக்கிடையில், வசனம் 3:81, “நபி” (வேதம் வழங்கப்பட்டவர்) மற்றும் “ரசூல்” (தூதர்) பற்றிய சரியான விளக்கத்தை வழங்குகின்றது. இவ்விதமாக, “நபி” என்பவர் ஒரு புதிய வேதத்தை ஒப்படைக்கின்ற கடவுளின் தூதராக இருக்கின்றார். அதே சமயம் “ரசூல்” என்பவர் இருக்கின்ற வேதத்தை உறுதிபடுத்துவதற்கு கடவுளாள் நியமிக்கப்படுகின்ற தூதர் ஆவார், அவர் ஒரு புதிய வேதத்தைக் கொண்டுவர மாட்டார். குர்ஆனுக்கேற்ப, ஒவ்வொரு “நபி”யும் ஒரு “ரசூல்” ஆவார், ஆனால் ஒவ்வொரு “ரசூலும்” ஒரு “நபி”யாக மாட்டார்.

ஒவ்வொரு தூதரும் ஒரு புதிய வேதம் கொடுக்கப்பட்டவராக இல்லை. சில முஸ்லிம் “அறிஞர்கள்” கூறுவது போல, கடவுள் வேதம் வழங்கப்பட்டவருக்கு ஒரு வேதத்தைக் கொடுத்து, பின்னர் தனிப்பட்ட முறையில் அவருக்கே அதனை வைத்துக் கொள்ளும்படி கேட்டுக்கொள்வார் என்பதில் நியாயம் இல்லை (2:42, 146, 159). குர்ஆனை போதுமான அளவிற்கு நன்கு அறியாதவர்கள், 19:53ல் கூறப்பட்டுள்ளபடி, ஆரோன் ஒரு “நபி”யாக இருந்தார், அவர் ஒரு வேதத்தைப் பெற்றிருக்கவில்லையே என சிந்திக்கின்றனர். ஆயினும், “மோஸஸ் மற்றும் ஆரோன் இருவருக்குமே” பிரத்யேகமாக சட்டப்புத்தகம் கொடுக்கப்பட்டது என்பதை குர்ஆன் தெளிவாக விளக்குகின்றது (21:48, 37:117).

முஹம்மது வேதம் வழங்கப்பட்டவரில் (நபி) இறுதியானவராக இருந்தார், ஆனால் இறுதித்தூதராக (ரசூல்) இல்லை என்பதை குர்ஆனின் 33:40,ல் இருந்து நாம் அறிந்து கொள்கின்றோம்:

முக்கியமான இந்த விளக்கம் குர்ஆனின் கணிதக் குறியீட்டின் மூலம் உறுதிச் செய்யப்படுகின்றது. 33:40ல் பயன்படுத்தப்பட்டுள்ள இந்தக் கூற்று “முஹம்மது காத்தும் அல் நபிய்யீன் (இறுதி வேதம் வழங்கப்பட்டவர்) என்பதாகும். இந்தக் கூற்றின் எழுத்தெண் மதிப்புடன் இந்த சூரா எண்ணையும் (33) மேலும் இந்த வசன எண்ணையும் (40) கூட்டினால் 1349, 19X71 ஆகும், அதே சமயம் தவறான கூற்றான “முஹம்மது காத்தும் அல்-முர்ஸலீன்” (இறுதித்தூதர்) என்பதன் எழுத்தெண் மதிப்பு 19ன் பெருக்குத்தொகையாக இல்லை.

சமகாலத்தில், வாழ்ந்து கொண்டிருக்கும் ஒரு தூதரைப் புறக்கணிப்பது, நினைவிற்கெட்டாத காலத்திலிருந்தே, மனிதனின் குணமாக இருந்துவருகின்றது. ஜோஸஃப் இறுதித்தூதராகப் பிரகடனம் செய்யப்பட்டார் (40:34). இருந்தபோதிலும், அவருக்குப் பிறகு, மோஸஸ், டேவிட், ஸாலமன், இயேசு மற்றும் முஹம்மது உட்பட பல தூதர்கள் வந்தனர்.

இந்த உலகைப் பொறுத்த வரையிலும், வேதம் வழங்கப்பட்டவர்கள் மரணித்து விட்ட போதிலும், அவர்களுடைய ஆன்மாக்களாகிய, அந்த உண்மையான நபர்கள், இந்த பிரபஞ்சத்திற்குள் ஏதோ ஓரிடத்தில் நிரந்தரமாக இப்பொழுது இருக்கின்றனர் என்பதை நாம் அறிவோம். தங்கள் உடல்களை விட்டுவிட்டு இந்த உலகை விட்டும் பிரிந்து சென்ற நம்பிக்கையாளர்களை இறந்தவர்கள் என எண்ணுவதைவிட்டும் பல வசனங்கள் நம்மை தடுக்கின்றன (2:154, 3:169, 4:69). அவர்கள் நம்முடைய உலகிற்கு வரஇயலாத போதிலும் (23:100), அவர்கள் இந்த பிரபஞ்சத்திற்குள் ஏதோ ஓரிடத்தில் “உயிரோடு” இருக்கின்றனர். தயவு செய்து பின் இணைப்பு 17 ஐப் பார்க்கவும்.

மெக்காவிற்கான என்னுடைய புனிதப்பயணத்தின் போது, மேலும் துல்ஹிஜ்ஜா 3, 1391, டிசம்பர் 21, 1971, செவ்வாய்கிழமையன்று சூரிய உதயத்திற்கு முன்பு நான், ரஷாத் கலீஃபா, உண்மையான நபராகிய எனது ஆன்மா, உடல் அல்ல, இந்தப் பிரபஞ்சத்திலுள்ள ஓரிடத்திற்கு எடுத்துச் செல்லப்பட்டேன் அங்கே வேதம் வழங்கப்பட்டவர்கள் அனைவரிடத்திலும் கடவுளின் உடன்படிக்கைத் தூதராக நான்அறிமுகம் செய்து வைக்கப்பட்டேன். ரமலான் 1408 வரையிலும் இந்த நிகழ்ச்சியைப் பற்றிய விவரங்களும் உண்மையான பொருளும் எனக்கு தெரிவிக்கப்படவில்லை.

தெளிவான நினைவோடு, நான் என்ன கவனித்தேனென்றால், நான் அசையாது உட்கார்ந்திருந்தேன், அதே சமயம் வேதம் வழங்கப்பட்டவர்கள், ஒருவர் பின் ஒருவராக, என்னை நோக்கி வந்தனர், என்னுடைய முகத்தைக் கவனித்தனர், பின்னர் தங்களுடைய தலையை அசைத்தனர். அவர்கள் இந்த உலகத்தில் இருந்த தோற்றத்திலேயே அவர்களை கடவுள் எனக்குக் காட்டினார், அவரவர் காலத்திய நாகரீக ஆடையை அவர்கள் அணிந்திருந்தனர். அங்கே பெரும் பயபக்தி, மகிழ்ச்சி மற்றும் மரியாதை நிறைந்த சூழ்நிலை நிலவியது. ஆப்ரஹாமைத் தவிர, வேறு எந்தவொரு வேதம் வழங்கப்பட்டவரும் எனக்கு அடையாளம் காட்டப்படவில்லை. மோஸஸ், இயேசு, முஹம்மது, ஆரோன், டேவிட், நோவா மற்றும் மீதமுள்ளவர்கள் உட்பட வேதம் வழங்கப்பட்டவர்கள் அனைவரும் அங்கே இருந்ததை நான் அறிந்தேன்.

ஆப்ரஹாமைப் பற்றிய அடையாளம் எனக்கு வெளிக்காட்டப்பட்டதற்கான காரணம் நான் அவரைப் பற்றி கேட்டதுதான் என நான் நம்புகின்றேன். அவர் என்னுடைய தந்தை என்னுடைய பெரியதந்தை, சிறியதந்தை போன்று உறுதியான சாயல் கொண்டிருந்ததால் நான் ஆச்சர்யமுற்றேன். “என்னுடைய உறவினர்களைப் போலவே தோற்றமளிக்கும் இந்த வேதம் வழங்கப்பட்டவர் யார்?” என நான் ஆச்சரியமுற்றது அந்த நேரம் தான். “ஆப்ரஹாம்” என்று பதில் வந்தது. எந்தவொரு மொழியும் பேசப்படவில்லை. தகவல் பரிமாற்றங்கள் அனைத்தும் மனரீதியாகவே நடந்தது.

வேதம் வழங்கப்பட்டவர்களின் உடன்படிக்கை நிறைவடைந்தது ஜுல்-ஹிஜ்ஜா 3, 1391 நாளில் என்பது குறிப்பிடத்தக்கது. நாம் அந்த மாதம் (12) + அந்த நாள் (3) + அந்த வருடம் (1391) ஆகியவற்றைக் கூட்டினோமேயானால், 1406 எனும் மொத்தத் தொகையை அடைவோம், அது 19X74. சூரா 74ல் தான் குர்ஆனுடைய பொதுவகு எண்ணாகிய, எண் 19 குறிப்பிடப்பட்டுள்ளது. இந்த எண் 1406 என்பது குர்ஆன் வெளிப்படுத்தப்பட்டதிலிருந்து அதன் அற்புதம் வெளிப்படுத்தப்பட்டவரையிலுமுள்ள ஆண்டுகளின் எண்ணிக்கையாகும் (பின் இணைப்பு1).

கடவுளின் உடன்படிக்கைத் தூதருடைய பணியானது இருக்கின்ற வேதங்களை உறுதிப்படுத்துவதும், அவற்றைத் தூய்மைப்படுத்துவதும், அவற்றை ஒரு தெய்வீகச் செய்திக்குள் ஒன்று சேர்ப்பதும் ஆகும். இப்படிப்பட்ட ஒரு தூதர் கடவுளின் செய்தியை அதன் அசலானதூய்மை நிலைக்கு மீட்டெடுப்பதற்கும் , - யூதர்கள், கிறிஸ்தவர்கள், முஸ்லிம்கள், பௌத்தர்கள், சீக்கியர்கள், இந்துக்கள் மற்றும் பலரில் - நன்னெறியோடு வாழும் நம்பிக்கையாளர்களை இருளிலிருந்து ஒளியின் பால் வழிநடத்திச் செல்வதற்கும், பொறுப்புக் கொடுக்கப்பட்டவர் ஆவார் என குர்ஆன் கூறுகின்றது (5:19 & 65:11). இஸ்லாம் (முற்றிலும் கடவுளுக்கு அடிபணிதல்) மட்டுமே கடவுளால் ஏற்றுக் கொள்ளப்படும் ஒரே மார்க்கம் என அவர் பிரகடனம் செய்கின்றார் (3:19).

கடவுளின் உடன்படிக்கைத் தூதரின் பெயர் குர்ஆனிற்குள்ளே கணிதரீதியாக “ரஷாத் கலீஃபா” என குறியீடு செய்யப்பட்டுள்ளது. இது நிச்சயமாக இந்த கணினி யுகத்தில் உலகத்திற்கு கடவுளின் உடன்படிக்கைத் தூதரை அறிமுகப்படுத்துகின்ற மிகவும் பொருத்தமான முறையாகும்.

அட்டவணை 1: “ரஷதா” மற்றும் “கலீஃபா”

இடம் பெறும் சூராக்கள் மற்றும் வசனங்கள்

(2) உண்மையான நம்பிக்கையாளர்களுக்கும் உண்மையைத் தேடுபவர்களுக்கும் குர்ஆன் எளிதானதாக ஆக்கப்பட்டுள்ளது. (54:17, 22:32, 40 & 39:28). குறிப்பிட்ட தெய்வீக அதிகாரம் வழங்கப்பட்ட உண்மையான நம்பிக்கையாளராக உள்ள ஆணாகவோ அல்லது பெண்ணாகவோ இருந்தாலேயன்றி எவர் ஒருவரும் குர்ஆனை அடைவதற்கு அனுமதிக்கப்படாது , அதன் மகத்தான அற்புதத்தினின்றும் தடுக்கப்படுவார்கள் என்பது மாற்ற இயலாததொரு தெய்வீகச் சட்டமாகும் (17:45-46, 18:57, 41:44, 56:79). குர்ஆனின் அற்புதமானது ரஷாத் கலீஃபா மூலமாக திரை நீக்கம் செய்யப்படுவது. அவருடைய தூதுத்துவத்திற்கானதொரு பெரிய அடையாளமாக இருக்கின்றது.

(3) “ரஷாத் ”என்ற பெயரின் மூலவார்த்தை “ரஷதா (சரியான வழிகாட்டலை ஆதரிப்பது) ஆகும். இந்த மூலவாத்தை குர்ஆனில் 19 முறை குறிப்பிடப்படுகின்றது. 19 என்பது குர்ஆனின் பொது வகு எண் ஆகும் (குர்ஆனுடைய வார்த்தைகளின் அட்டவணை, முதல்பதிப்பு பக்கம் 320 ஐப் பார்க்கவும்).

(4) “ரஷாத்” எனும் வார்த்தை 40:29&38ல் காணப்படுகின்றது. “கலீஃபா” எனும் வார்த்தை 20:30 மற்றும் 38:26ல் காணப்படுகிறது. முதல் “கலீஃபா” மனிதனல்லாத “கலீஃபா”வைக் குறிப்பிடுகிறது, அதாவது, சாத்தானை, அதேசமயம் இரண்டாவது நிகழ்வு (சூரா 38) மனித “கலீஃபா” வைக் குறிப்பிடுகின்றது. “ரஷாத்” (40:29, 38) மற்றும் கலீஃபா” (38:26) உடைய சூராக்கள் மற்றும் வசனங்களின் எண்களை நாம் கூட்டினோமேயானால், நமக்குக் கிடைப்பது 40+29+38+38+26 = 171 = 19X9.

(5) எங்கெல்லாம் “ரஷதா” மற்றும் “கலீஃபா” காணப்படுகிறதோ அந்த சூராக்கள் மற்றும் வசனங்கள் அனைத்தின் எண்களையும், சாதக பாதகமின்றி, கூட்டிட கிடைக்கும் கூட்டுத்தொகை 1463, 19X77 ஆகும் (அட்டவணை1).

(6) “ரஷதா” எனும் மூலவார்த்தை காணப்படும் அனைத்து சூராக்கள் மற்றும் வசனங்களின் மொத்தத்தொகை 1369, அல்லது (19X72)+1 ஆகும், அதே சமயம் “கலீஃபா” வினுடைய அனைத்து நிகழ்வுகளின் மொத்தம் 94, இது (19X5)-1 ஆகும். “ரஷதா” என்ற வார்த்தை ஒன்று கூடுதலாகவும், “கலீஃபா” என்ற வார்த்தை ஒன்று குறைவாகவும் உள்ளது எனும் இந்த உண்மை இந்தப் பெயரை “ரஷாத் கலீஃபா” என ஒன்று சேர்த்துத் தைக்கின்றது மேலும் எந்த ஒன்றும் “ரஷாத்” ஆகவோ அல்லது எந்த ஒன்றும் “கலீஃபா” ஆகவோ இல்லை.

அட்டவணை 2: குர்ஆனின் ஆரம்பத்திலிருந்து மூல வார்த்தையான “ரஷதா” வின்

முதல் நிகழ்வு வரையிலான சூராக்கள் மற்றும் வசனங்கள்

(5) எங்கெல்லாம் “ரஷதா” மற்றும் “கலீஃபா” காணப்படுகிறதோ அந்த சூராக்கள் மற்றும் வசனங்கள் அனைத்தின் எண்களையும், சாதக பாதகமின்றி, கூட்டிட கிடைக்கும் கூட்டுத்தொகை 1463, 19X77 ஆகும் (அட்டவணை1).

(6) “ரஷதா” எனும் மூலவார்த்தை காணப்படும் அனைத்து சூராக்கள் மற்றும் வசனங்களின் மொத்தத்தொகை 1369, அல்லது (19X72)+1 ஆகும், அதே சமயம் “கலீஃபா” வினுடைய அனைத்து நிகழ்வுகளின் மொத்தம் 94, இது (19X5)-1 ஆகும். “ரஷதா” என்ற வார்த்தை ஒன்று கூடுதலாகவும், “கலீஃபா” என்ற வார்த்தை ஒன்று குறைவாகவும் உள்ளது எனும் இந்த உண்மை இந்தப் பெயரை “ரஷாத் கலீஃபா” என ஒன்று சேர்த்துத் தைக்கின்றது மேலும் எந்த ஒன்றும் “ரஷாத்” ஆகவோ அல்லது எந்த ஒன்றும் “கலீஃபா” ஆகவோ இல்லை.

அட்டவணை 3: மூல வார்த்தையான “ரஷதா” காணப்படுகின்ற சூராக்கள்

(7) “ரஷாத்” உடைய எழுத்தெண் மதிப்பு 505 மற்றும் “கலீஃபா” உடைய எழுத்தெண் மதிப்பு 725 (அட்டவணை 7, பின் இணைப்பு 1) ஆகும். குர்ஆனின் ஆரம்பத்திலிருந்து “ரஷதா” வினுடைய முதல் நிகழ்வு வரையிலுமுள்ள சூராக்களின் எண்களையும் வசனங்களின் எண்களையும் “ரஷாத் கலீஃபா” வினுடைய மதிப்புடன் (1230) கூட்டினோமேயானால், பெறக் கூடிய மொத்தத் தொகை 1425, 19X75 ஆகும். விபரங்கள் அட்டவணை 2ல் கொடுக்கப்பட்டுள்ளது.

(8) ஒவ்வொரு சூராவிலுள்ள அனைத்து வசனங்களின் எண்களையும் நாம் கூட்டினோமேயானால், அதாவது குர்ஆனின் ஆரம்பத்திலிருந்து “ரஷதா” எனும் மூலவார்த்தையின் முதல் நிகழ்வு வரையிலுமுள்ள வசன எண்களின் கூட்டுத் தொகை (1+2+3+....+n), மொத்தமாக வருவது 17233, 19X907 ஆகும் (அட்டவணை 2).

(9) குர்ஆனியத் தலைப்பெழுத்துகள் குர்ஆனுடைய அற்புதத்தின் அடிப்படைக் கட்டமைப்பை அமைக்கின்றன. இந்தத் தலைப்பெழுத்துகள் 2, 3, 7, 10, 11, 12, 13, 14, 15, 19, 20, 26, 27, 28, 29, 30, 31, 32, 36, 38, 40, 41, 42, 43, 44, 45, 46, 50 மற்றும் 68 ஆகிய சூராக்களில் காணப்படுகின்றன. இந்த எண்களின் கூட்டுத் தொகையை (822) “ரஷாத் கலீஃபா” வினுடைய மதிப்புடன் (1230) நாம் கூட்டினோமேயானால், மொத்தத் தொகை 2052, 19X108 ஆகும்.

2 100 187 188 189 .... 72 21 1 2 3 ....... 19 20 21

சூரா எண்ணைப் பின் தொடர்ந்து வசனங்களின் எண்ணிக்கையையும், பின்னர் “ரஷதா” வின் முதல் நிகழ்விலிருந்து கடைசி நிகழ்வு

வரையிலும் (2:187 லிருந்து 72:21 வரையிலும்) உள்ள வசனங்களின் தனித்தனி எண்களையும் எழுதிட கிடைத்திடும் முழுமையான

எண் 11087 இலக்கங்களைக் கொண்டிருக்கிறது, மேலும் இது 19 ஆல் வகுபடக் கூடியதாகும்.

(12) மூல வார்த்தையான “ரஷதா”வின் முதல் நிகழ்விலிருந்து “கலீஃபா” எனும் வார்த்தை காணப்படும் 38:26 வரையிலுமுள்ள சூராக்கள் மற்றும் வசனங்களை நாம் பரிசோதித்தோமேயானால், அந்த சூராக்களின் எண்கள் மற்றும் வசனங்களின் எண்ணிக்கையின் கூட்டுத்தொகை 4541 அல்லது 19X239 வருவதை நாம் காணலாம். விபரங்கள் அட்டவணை 4ல் கொடுக்கப்பட்டுள்ளன.

(13) “ரஷாத்”தின் மதிப்பையும் (505), அதனைத் தொடர்ந்து “கலீஃபா”வின் மதிப்பையும் (725), அதனைத் தொடர்ந்து மூலவார்த்தையான “ரஷதா” காணப்படும் ஒவ்வொரு சூரா எண்ணையும் அதனைப் பின் தொடர்ந்து முதல் “ரஷதா”விலிருந்து (2:186) “கலீஃபா” (38:26) எனும் வார்த்தை வரையிலுமுள்ள வசனங்களின் எண்களை எழுதிடும்போது, ஒரு மிக நீண்ட எண் நமக்குக் கிடைக்கும். அது 19 ஆல் வகுபடக் கூடியதாகும்

“ரஷதா” வினுடைய முதல் நிகழ்வு 2:186ல் உள்ளது. ஆகவே 2 186 என நாம் எழுதிக்கொள்வோம். இரண்டாவது நிகழ்வு 2:256ல் உள்ளது, ஆகவே நாம் 256ஐ எழுதிக்கொள்வோம். அடுத்த நிகழ்வு 4:6ல் உள்ளது, ஆகவே நாம் 4 6 என எழுதிக்கொள்வோம், மேலும் (“கலீஃபா” காணப்படும் 38:26 வரையிலும்) இவ்வாறே 38 26 வரையிலும் எழுதிக்கொள்வோம். இந்த முழுமையான எண் இதுபோலிருக்கும்.

அட்டவணை 4: முதல் “ரஷதா” விலிருந்து “கலீஃபா” வரையிலான சூராக்கள் மற்றும் வசனங்கள்

505       725       2       186       256       4       6       ................. 38       26

(14) இஸ்லாத்தின் (அடிபணிதல்) மூன்று தூதர்களைக் குர்ஆன் விவரிக்கின்றது:
ஆப்ரஹாம் இஸ்லாத்தினுடைய வழிபாட்டு முறைகள் அனைத்தையும் ஒப்படைத்தார். அவருடைய பெயரின் மதிப்பு = 258
முஹம்மது குர்ஆனை ஒப்படைத்தார். அவருடைய பெயரின் மதிப்பு = 92
ரஷாத் இஸ்லாத்தினுடைய உண்மைத் தன்மைக்கான சான்றை ஒப்படைத்தார். அவருடைய பெயரின் மதிப்பு = 505
3 பெயர்களுக்கான எழுத்தெண் மதிப்பு = 258+92+505 = 855
(19X45) யூதம், கிறிஸ்தவம் மற்றும் இஸ்லாம் ஆகியவை ஒரே மார்க்கமாக ஒன்றிணைக்கப்படும். அது - முழுமையான அடிபணிதல் மற்றும் கடவுளுக்கு மட்டுமே பூரணமாக அர்ப்பணித்தல். யூதம், கிறிஸ்தவம் மற்றும் இஸ்லாம் உட்பட இருக்கக் கூடிய மார்க்கங்கள் கடுமையாக சிதைக்கப்பட்டுள்ளன மேலும் இவை எளிதாக அழிந்து போகும் (9:33, 48:28, 61:9).

(15) சில நேரங்களில் “ஆப்ரஹாம், இஸ்மவேல் மற்றும் ஐசக்” பற்றி குர்ஆன் குறிப்பிடுவதால் இஸ்மவேலையும் ஐசக்கையும் சேர்த்துக்கொள்ள வேண்டும் என யோசனை தெரிவிக்கப்பட்டது. குறிப்பிடத்தக்க விதமாக, இஸ்மவேலையும், ஐசக்கையும் சேர்ப்பதன் மூலம் கிடைத்த தொகையும் கூட, 19ன் பெருக்குத் தொகையாகவே இருக்கின்றது. அட்டவணை 5ல் காட்டியுள்ளபடி, புதிய தொகை 1235, அல்லது 19X65 ஆகும். ஆப்ரஹாம், முஹம்மது அல்லது ரஷாத் ஆகிய இம்மூன்று பேரில் ஏதாவது ஒருவருடைய பெயரை நீக்கினாலும் இவ்வாறு 19 ஆல் வகுபடக்கூடிய சாத்தியம் இருக்காது.

(16) சூரா 3லுள்ள வசனம் 81ல் கடவுளின் உடன் படிக்கைத் தூதர் முன்னறிவிப்புச் செய்யப்பட்டிருக் கின்றார். “ரஷாத்” உடைய எழுத்தெண் மதிப்பு (505) + “கலீஃபா” வினுடைய எண்மதிப்பு (725) + வசனஎண் (81) ஆகியவற்றை கூட்டிட உருவாகிடும் எண் 505+725+81 = 1311 = 19X69.

அட்டவணை 5: 5 தூதர்களுடைய எழுத்தெண் மதிப்பு

அட்டவணை 6: 1:1 லிருந்து 3:81 வரையிலான சூராக்கள் மற்றும் வசனங்கள்

(17) சூரா 81ல் நாம் பார்த்தோமேயானால், பலமாக உதவி செய்யப்பட்ட மேலும் சர்வ வல்லமையுடையவரால் அனுமதிக்கப்பட்ட கடவுளின் தூதர் ஒருவரைப் பற்றி நாம் படிக்கலாம் (வசனம் 19). இவ்விதமாக, சூரா 3லுள்ள வசனம் 81 மற்றும் சூரா 81, வசனம் 19 ஆகியவை “ரஷாத் கலீஃபா” என்ற பெயருடன் உறுதியான தொடர்புடையதாக உள்ளது 505+725+81 = 1311 = 19X69.

(18) குர்ஆனின் ஆரம்பத்திலிருந்து கடவுளின் உடன்படிக்கைத்தூதர் முன்னறிவிப்புச் செய்யப்பட்டிருக்கும் வசனம் 3:81 வரையிலுள்ள சூரா எண்களையும் வசனங்களின் எண்ணிக்கையையும் நாம் கூட்டினோமேயானால், மொத்தத் தொகையாக வருவது 380, 19X20 ஆகும். இந்த விபரங்கள் அட்டவணை 6 ல் உள்ளன.

(19) 3:81 உடைய எழுத்தெண் மதிப்பு 13148, 19X692 ஆகும். இந்த மதிப்பு இந்த வசனத்திலுள்ள ஒவ்வொரு எழுத்துக்களின் எழுத்தெண் மதிப்பையும் கூட்டிட கிடைப்பதாகும்.

(20) கடவுளின் உடன்படிக்கைத் தூதரை பிரத்யேகமாகக் குறிப்பிடும் வசனம் 3:81 உடைய அந்தப் பகுதியை நாம் கவனித்து பார்த்தோமேயானால்: “உங்களிடமிருப்பதை உறுதி செய்யக் கூடிய, ஒரு தூதர் உங்களிடம் வருவார்”, அரபியில்:

இந்த முக்கியமான சொற்றொடரின் எழுத்தெண் மதிப்பு 836, 19X44 என்பதை நாம் காண்கின்றோம்

(21) சூரா 36 லுள்ள வசனம் 3 பிரத்யேகமாக என்னைத்தான் குறிப்பிடுகின்றது என வானவர் கேப்ரியல் மூலமாக, மிக உறுதியாக என்னிடம் கூறப்பட்டது. தலைப்பெழுத்துகளுடைய சூராக்களை மட்டும் வரிசையாக நாம் அடுக்கினோமேயானால், சூரா 2 லிருந்து ஆரம்பித்து, பின்னர் சூரா 3, பின்னர் சூரா 7, மேலும் இவ்வாறு வரிசைப்படுத்தினால், சூரா 36, யாஸீன் 19வது இடத்தைப் பெற்றிருப்பதை நாம் காணலாம்.

(22) சூரா 36ன் வசனம் 3, “நீர் தூதர்களில் ஒருவராக இருக்கின்றீர்” என்று கூறுகின்றது. இந்த சொற்றொடரின் எழுத்தெண்மதிப்பு 612 ஆகும். இந்த மதிப்பு (612) + சூரா எண் (36) + வசன எண் (3) + ரஷாத் கலீஃபா”வின் எழுத்தெண்மதிப்பு (505+725) ஆகியவற்றைக் கூட்டுவதன் மூலம், நமக்குக் கிடைப்பது 36+3+612+505+725 = 1881 = 19X99. (23) 36 வது சூரா 83 வசனங்களைக் கொண்டிருக்கின்றது. சூரா எண் (36) + அதனுடைய வசனங்கஹளின் எண்ணிக்கை (83) + “ரஷாத் கலீஃபா”வின் எழுத்தெண் மதிப்பு (505+725) ஆகியவற்றை நாம் கூட்டுவோமேயானால், நமக்குக் கிடைப்பது 36+83+505+725 = 1349 = 19X71. (24) உடன்படிக்கைத்தூதர் முன்னறிவிப்புச் செய்யப்பட்டிருக்கும் 3:81லிருந்து சூரா 36 வரையிலும் 3330 வசனங்கள் உள்ளன. இந்த வசனங்களின் எண்ணிக்கையோடு (3330), “ரஷாத் கலீஃபா”வின் எழுத்தெண்மதிப்பை (1230) கூட்டுவதன் மூலம், நமக்குக் கிடைப்பது 505+725+3330=4560, 19X240.

அட்டவணை 7: சூரா 1லிருந்து சூரா 36ன் 3வது

வசனம் வரையிலான சூராக்கள் மற்றும் வசனங்கள்

(25) 3:81 லிருந்து 36:3 வரையிலும் 3333 வசனங்கள் உள்ளன. “ரஷாத்” உடைய எழுத்தெண் மதிப்புடன் இந்த எண்ணை கூட்டுவதன் மூலம், நமக்குக் கிடைப்பது, 3333+505 = 3838 = 19X202.

(26) 1:1லிருந்து 36:3 வரையிலுமுள்ள வசனங்களின் எண்ணிக்கை 3705, 19X195 ஆகும். (அட்டவணை 7).

(27) 1:1லிருந்து 36:3 வரையிலுமுள்ள ஒவ்வொரு சூராக்களிலுமுள்ள வசன எண்களின் கூட்டுத்தொகை 257925, 19X13575 ஆகும் (அட்டவணை 7).

(28) சூரா 1லிருந்து சூரா 36 வரையிலுமுள்ள சூரா எண்களின் கூட்டுத்தொகை 666 ஆகும் (அட்டவணை 7). இந்தக் கூட்டுத்தொகை + “ரஷாத் கலீஃபா” வின் எழுத்தெண் மதிப்பு (505+725) + “நிச்சயமாக நீர் தூதர்களில் ஒருவராக இருக்கின்றீர்” என கூறும் வசனமான 36:3 உடைய எழுத்தெண் மதிப்பு (612) ஆகியவற்றை நாம் கூட்டு வோமேயானால் கிடைக்கக் கூடிய மொத்தத் தொகையானது : 666+505+725+612+2508 = 19X132 ஆகும்.

அட்டவணை 8: முதல் “ரஷதா” விலிருந்து 36:3

வரையிலான சூராக்கள் மற்றும் வசனங்கள்

(29) மூலவார்த்தையான “ரஷதா”வின் முதல் நிகழ்வில் (2:186) இருந்து 36:3 (நீர் தூதர்களில் ஒருவராக இருக்கின்றீர்) வரையிலுமுள்ள வசன எண்களின் கூட்டுத்தொகை (1+2+3+..........+n) + சூராக்களின் மொத்தத் தொகை (35) + அந்த சூரா எண்களின் கூட்டுத்தொகை ஆகியவற்றை நாம் கூட்டுவோமேயானால் மொத்தத்தொகையானது 241395 அல்லது 19X 12705 ஆகும் (அட்டவணை 8).

(30) மூலவார்த்தையான “ரஷதா”வின் முதல் நிகழ்விலிருந்து 36:3 வரையிலுமுள்ள சூரா எண்களின் கூட்டுத்தொகை 665, 19X35 ஆகும். இவை மொத்தம் 35 சூராக்கள் என்பதையும் கவனிக்கவும் (அட்டவணை 8).

(31) தெளிவாக, இந்த வசனத்தின் எண் 19, ரஷாதால் கண்டுபிடிக்கப்பட்ட குர்ஆனின் பொது வகு எண்ணாகவும் மேலும் குர்ஆனில் “ரஷதா” என்பதன் மொத்த நிகழ்வுகளின் எண்ணிக்கையும் ஆகும்.

(32) “ரஷாத் கலீஃபா”வின் எழுத்தெண் மதிப்பு (1230)+சூராஎண் (5) + வசன எண் (19) ஆகியவற்றை கூட்டுவோமேயானால், நமக்குக் கிடைப்பது 1230+50+19 = 1254 = 19X 66.

குர்ஆனின் ஆரம்பத்திலிருந்து இந்த வசனம் (5:19) வரையிலுமுள்ள சூரா எண்கள் மற்றும் வசனங்களின் எண்ணிக்கையின் கூட்டுத்தொகை 703, 19X37 ஆகும். அட்டவணை 9ஐப் பார்க்கவும்.

சூரா 98, “சான்று” வசனம் 2, “வேதத்தையுடைய மக்களின் (யூதர்கள், கிறிஸ்தவர்கள், மற்றும் முஸ்லிம்கள்)” நன்மைக்காக, கடவுளின் உடன்படிக்கைத் தூதரின் வருகையைப் பற்றிப் பிரகடனம் செய்கின்றது. “ரஷாத் கலீஃபா”வின் எழுத்தெண் மதிப்பு (505+725) + சூரா எண் (98) + வசன எண் (2) ஆகியவற்றைக் கூட்டுவதன் மூலம், நமக்குக் கிடைப்பது 505+725+98+2 = 1330 = 19X70.

அட்டவணை 9: ஆரம்பத்திலிருந்து 5:19 வரையிலான சூராக்கள் மற்றும் வசனங்கள்

(36) 1:1லிருந்து 44:13 வரையிலுமுள்ள சூரா எண்களையும் + ஒவ்வொரு சூராவிலுள்ள வசனங்களின் எண்களையும் கூட்டுவதன் மூலம், கிடைத்திடும் தொகை 5415, 19X19X15. (அட்டவணை 10).

(37) சூரா எண் (44) + தூதரைப் பற்றி முன்னறிவிப்புச் செய்யும் வசன எண் (13) ஆகியவற்றின் கூட்டுத் தொகையானது 57, இது 19X3 ஆகும். அட்டவணை 10ஐப் பார்க்கவும்.

அட்டவணை 10: 1:1லிருந்து 44:13 வரையிலான சூராக்கள் மற்றும் வசனங்கள்

அட்டவணை 11: 72:27 ல் உள்ள தேர்ந்தெடுக்கப்பட்ட தூதரின் எழுத்தெண் மதிப்பு

(38) கடவுள் மட்டுமே எதிர்காலத்தை அறிந்தவர்; அவரே இந்த உலகம் எப்பொழுது முடிவடையும் என்பதை மிகச் சரியாக அறிவார் (7:187, 31:34, 33:63, 41:47, 43:85). கடவுள் அவரால் தேர்ந்தெடுக்கப்பட்ட தூதர்களுக்கு எதிர்காலத்தைப் பற்றிய குறிப்பிட்ட நிலைகளை வெளிப்படுத்துகின்றார் என்பதைக் குர்ஆனிலிருந்து நாம் கற்றுக் கொள்கின்றோம். 72:27க்கு ஏற்ப, ரஷாத் கலீஃபாதான் உலகத்தினுடைய முடிவை திரை நீக்கம் செய்யும் பாக்கியம் பெற்றவர் என்பதற்கு பின் இணைப்பு 25ல் சாட்சியங்கள் வழங்கப்பட்டுள்ளன.

(39) குர்ஆன் ஆரம்பத்திலிருந்து வசனம் 72:27 வரையிலுமுள்ள வசனங்களின் எண்ணிக்கை 5472. அல்லது 19X72ஒ4 ஆகும். 72:27ல் எதிர்காலத்தைப் பற்றிய செய்தி கொடுக்கப்பட்டவர் அந்த தூதர் என்பதையும் மேலும் இந்த சூரா, 4 “ரஷதா” வார்த்தைகளைக் கொண்டுள்ளது என்பதையும் (72:2,10,14&21) கவனிக்கவும். “ரஷாத் கலீஃபாவின்” எழுத்தெண் மதிப்பு (1230)+சூராஎண் (72) + “ரஷதா” குறிப்பிடப்பட்டுள்ள அந்த 4 வசனங்களின் எண்கள் ஆகியவற்றை கூட்டுவதன் மூலம், நமக்குக் கிடைப்பது 1230+72+2+10+14+21 = 1349 = 19X71.

(40) 72:27 வது வசனம் இந்தக் கூற்றுடன் ஆரம்பிக்கின்றது: (அவர் தேர்ந்தெடுக்கின்ற தூதருக்கு மட்டும்) எதிர்காலத்தைப் பற்றிய செய்திகளைப் பெறுவதற்கு கடவுளால் தேர்ந்தெடுக்கப்பட்ட அந்த தூதர் எழுத்தெண் மதிப்பாக 1919 ஐக் கொண்டுள்ளார் என்று இது சுட்டிக் காட்டுகின்றது. விபரங்களை அட்டவணை 11 தருகின்றது.

கடவுளின் தூதருக்கும் போலித் தூதருக்கும் இடையேயுள்ள மிக முக்கியமான வித்தியாசம் என்னவென்றால் கடவுளின் தூதர் கடவுளால் உதவி செய்யப்படுகின்றார், அதே சமயம் போலித்தூதர் அவ்வாறு உதவி செய்யப்படமாட்டார்:
* கடவுளின் தூதர் கண்களால் காணஇயலாத கடவுளின் படைவீரர்களைக் கொண்டு உதவி செய்யப்படுகின்றார். (3:124-126, 9:26&40, 33:9, 37:171-173, 48:4&7, 74:31).
* கடவுளின் தூதர் கடவுளின் கஜானாவிலிருந்து உதவி செய்யப்படுகின்றார். (63:7-8)
* கடவுளின் தூதரும், அதேபோல் நம்பிக்கையாளர்களும், இவ்வுலகிலும் மேலும் என்றென்றைக்கும் வெற்றியையும், கண்ணியத்தையும் கொண்டு வாக்களிக்கப்பட்டிருக்கின்றார்கள் (40:51 & 58:21).

1. குர்ஆனிலுள்ள கணித அற்புதத்தை திரைநீக்கம் செய்து மேலும் பிரகடனம் செய்வது (பின் இணைப்பு 1).

2. குர்ஆனிலிருந்து போலியான இரண்டு வசனங்களான 9:128-129 ஆகியவற்றை வெளிப்படுத்தி நீக்குவது (பின் இணைப்பு 24)

3. நம்முடைய வாழ்க்கைக்கான காரணத்தை விளக்குவது; ஏன் நாம் இங்கே இருக்கின்றோம் (பின் இணைப்பு 7).

4. அனைத்து மக்களுக்கும் ஒரே மார்க்கத்தைப் பிரகடனம் செய்து, மேலும் யூதம், கிறிஸ்தவம், இஸ்லாம் ஆகியவற்றில் கேடு விளைவித்துக் கொண்டிருக்கும் அனைத்து சீர்கேடுகளையும் சுட்டிக்காட்டி, அவற்றை நீக்கித் தூய்மைப்படுத்துவது (பின் இணைப்பு 13, 15, 19).

5. ஜகாத் (கடமையான தர்மம்) மீட்சிக்கான முதல் தேவையாக இருக்கின்றது (7:156) என்பதைப் பிரகடனம் செய்து, மேலும் ஜகாத்தைக் கடைப்பிடிக்கும் சரியான வழிமுறையை விளக்கிடுவது (பின் இணைப்பு 15).

6. உலகத்தின் முடிவை திரை நீக்கம் செய்வது (பின் இணைப்பு 25).

7. 40 வயதிற்கு முன்பு இறப்பவர்கள் சுவனத்திற்குச் செல்கின்றனர் என்பதைப் பிரகடனம் செய்வது (பின் இணைப்பு 32). 8. இயேசுவின் மரணத்தைப் பற்றி விளக்குவது (பின் இணைப்பு 22).

9. முஹம்மதிற்கும், பின்னர் முஹம்மது வழியாக மக்களுக்கும் குர்ஆன் சேர்ப்பிக்கப்பட்டது பற்றி விளக்குவது (பின் இணைப்பு 28).

10. கடவுளின் வெளிப்பாடுகளை (குர்ஆனை) முஹம்மது தன் சொந்தக் கரங்களால் எழுதியது பற்றி அறிவிப்பது (பின் இணைப்பு 28).

11. கடவுளின் மீது நம்பிக்கை வைத்திருக்கும் நம்பிக்கையாளர்களில் பெரும்பாலோர் ஏன் சுவனத்திற்கு செல்வதில்லை என விளக்குவது (பின் இணைப்பு 27).

12. கடவுள் ஆப்ரஹாமிடம் அவருடைய மகனைக் கொல்லும்படி ஒருபோதும் கட்டளையிடவில்லை என்பதைப் பிரகடனம் செய்வது (பின் இணைப்பு 9).

13. முழுமையான மகிழ்ச்சியை அடைவது பற்றிய இரகசியத்தைப் பிரகடனம் செய்வது (அறிமுகவரை,xx)

14. குற்றவியல் நீதி ஒழுங்குமுறையை நிலை நாட்டுவது (பின் இணைப்பு 37).

*********************************************************